Cofnodion - Y Pwyllgor Busnes

Lleoliad: Ar-lein

Dyddiad: Dydd Mawrth, 30 Ebrill 2024

Amser: 09.00 - 09.31

Remote / Private

------

Yn bresennol

Categori	Enwau
Aelodau’r Pwyllgor:	Elin Jones AS, Llywydd (Cadeirydd) Heledd Fychan AS Jane Hutt AS Darren Millar AS
Staff y Pwyllgor:	Graeme Francis (Clerc) Yan Thomas (Dirprwy Glerc)
Eraill yn bresennol	Jane Dodds AS David Rees AS, Y Dirprwy Lywydd Manon Antoniazzi, Prif Weithredwr a Chlerc y Senedd Bethan Davies, Pennaeth Gwasanaeth y Siambr a Phwyllgorau Julian Luke, Pennaeth Pwyllgorau Polisi a Deddfwriaeth Siân Wilkins, Pennaeth Gwasanaeth y Siambr a Phwyllgorau Lisa Griffiths, Clerc Gweithdrefnau Llinos Madeley, Clerc Helen Carey, Llywodraeth Cymru

<AI1>

1 Cyflwyniadau, ymddiheuriadau a dirprwyon

Croesawodd y Llywydd yr Aelodau i’r cyfarfod.

</AI1>

<AI2>

2 Cofnodion y cyfarfod blaenorol

Cytunwyd ar gofnodion y cyfarfod blaenorol i’w cyhoeddi.

</AI2>

<AI3>

3 Trefn Busnes

</AI3>

<AI4>

3.1 Busnes yr wythnos hon

Dydd Mawrth

Rhoddodd y Trefnydd wybod i’r Rheolwyr Busnes am y newidiadau a ganlyn:

· Datganiad gan Ysgrifennydd y Cabinet dros yr Economi, Ynni a'r Gymraeg: Tata Steel (45 munud)

· Cynnig o dan Reol Sefydlog 12.24 i gynnal dadl ar yr eitemau canlynol gyda’i gilydd ond gyda phleidleisiau ar wahân (30 munud):

o Cynnig Cydsyniad Deddfwriaethol ar y Bil Dioddefwyr a Charcharorion  cynnig 1 - wedi’i ohirio tan 7 Mai

o Cynnig Cydsyniad Deddfwriaethol ar y Bil Dioddefwyr a Charcharorion  cynnig 2 - wedi’i ohirio tan 7 Mai

· Cyfnod 3 Bil Senedd Cymru (Aelodau ac Etholiadau) (360 240 munud)

Dywedodd y Llywydd wrth y Rheolwyr Busnes y byddai egwyl o 10 munud cyn i drafodion Cyfnod 3 ddechrau.

• Ni fydd Cyfnod Pleidleisio cyn trafodion Cyfnod 3.
• Nid yw'r Cyfarfod Llawn yn debygol o fynd y tu hwnt i 7.30pm

Dydd Mercher

· Caiff y Cyfnod Pleidleisio ei gynnal cyn y Ddadl Fer.

· Nid yw'r Cyfarfod Llawn yn debygol o fynd y tu hwnt i 7.10pm

</AI4>

<AI5>

3.2 Amserlen busnes y Llywodraeth ar gyfer y tair wythnos nesaf

Rhoddodd y Trefnydd wybod i’r Rheolwyr Busnes am y newidiadau canlynol i amserlen Busnes y Llywodraeth ar gyfer y tair wythnos nesaf:

Dydd Mawrth 7 Mai 2024

· Datganiad gan y Prif Weinidog: Y Senedd yn 25 (45 munud)

· Datganiad gan Ysgrifennydd y Cabinet dros Newid Hinsawdd a Materion Gwledig: Blaenoriaethau ar gyfer newid hinsawdd a materion gwledig (45 munud)

· Cynnig o dan Reol Sefydlog 12.24 i gynnal dadl ar yr eitemau canlynol gyda’i gilydd ond gyda phleidleisiau ar wahân (30 munud):

o Cynnig Cydsyniad Deddfwriaethol ar y Bil Dioddefwyr a Charcharorion – cynnig 1

o Cynnig Cydsyniad Deddfwriaethol ar y Bil Dioddefwyr a Charcharorion – cynnig 2

Dydd Mercher 8 Mai 2024

· Dadl: Cyfnod 4 Bil Senedd Cymru (Aelodau ac Etholiadau) (30 munud)

Dydd Mawrth 14 Mai 2024

· Datganiad gan Ysgrifennydd y Cabinet dros Addysg: Ein cenhadaeth genedlaethol: cyflawni blaenoriaethau addysg Cymru (45 munud)

· Datganiad gan Ysgrifennydd y Cabinet dros Newid Hinsawdd a Materion Gwledig: Dyfodol ffermio yng Nghymru (45 munud)

· Datganiad gan y Gweinidog Iechyd Meddwl a Blynyddoedd Cynnar: Gwella iechyd meddwl yng Nghymru (30 munud)

· Datganiad gan y Gweinidog Gofal Cymdeithasol: Ein gweledigaeth ar gyfer gofal maeth yng Nghymru (30 munud)

</AI5>

<AI6>

3.3 Amserlen busnes y Senedd ar gyfer y tair wythnos nesaf

Cytunwyd ar y newidiadau canlynol i amserlen Busnes y Senedd ar gyfer y tair wythnos nesaf:

Dydd Mercher 8 Mai 2024

· Dadl ar Ddeiseb P-06-1392: Diwygio Cod Anghenion Dysgu Ychwanegol Cymru 2021 (30 60 munud)

Dydd Mercher 22 Mai 2024 -

• Dadl ar Gynnig Deddfwriaethol gan Aelod (30 munud) 
• Dadl ar Ddeiseb P-06-1407: Rydym am i Lywodraeth Cymru ddiddymu’r gyfraith drychinebus ynghylch y terfyn cyflymder o 20mya 
• Amser a neilltuwyd i’r Ceidwadwyr Cymreig (60 munud)
• Dadl Fer: Joyce Watson (Canolbarth a Gorllewin Cymru) (30 munud)

</AI6>

<AI7>

4 Deddfwriaeth

</AI7>

<AI8>

4.1 Diweddariad ar Femoranda Cydsyniad Deddfwriaethol

Cafodd y Pwyllgor Busnes ddiweddariad ar y Memoranda Cydsyniad Deddfwriaethol cyfredol a chytunodd i:

• gyfeirio'r Memorandwm Cydsyniad Deddfwriaethol Atodol (Memorandwm Rhif 4) ar y Bil Diogelu Data a Gwybodaeth Ddigidol at y Pwyllgor Diwylliant, Cyfathrebu, y Gymraeg, Chwaraeon a Chysylltiadau Rhyngwladol a’r Pwyllgor Deddfwriaeth, Cyfiawnder a’r Cyfansoddiad i graffu arno, gyda dyddiad cau ar gyfer cyflwyno adroddiad ar 13 Mai;
• gyfeirio'r Memorandwm Cydsyniad Deddfwriaethol (Memorandwm Rhif 3) ar y Bil Diwygio Cyfraith Lesddaliad a Rhydd-ddaliad at y Pwyllgor Llywodraeth Leol a Thai a’r Pwyllgor Deddfwriaeth, Cyfiawnder a’r Cyfansoddiad i graffu arno, gyda dyddiad cau ar gyfer cyflwyno adroddiad ar 31 Mai

Nododd y Pwyllgor hefyd y diffyg amser sydd ar gael ar gyfer craffu ar y Memorandwm Cydsyniad Deddfwriaethol (Memorandwm Rhif 3) ar y Bil Dioddefwyr a Charcharorion cyn y ddadl yn y Cyfarfod Llawn a drefnwyd ar gyfer 7 Mai a chytunodd, o ganlyniad, i beidio â chyfeirio'r Memorandwm at bwyllgorau i graffu arno. Wrth wneud hynny, nododd y Pwyllgor Busnes natur anfoddhaol y sefyllfa hon. Esboniodd y Trefnydd bod y Llywodraeth, oherwydd ei phryderon am y Bil, yn ystyried y dylai'r Senedd ei ystyried cyn gynted â phosibl, tra mae’r Bil yn dal i fod yn y camau diwygio yn San Steffan. Gan fod nifer uchel o ddiwygiadau wedi’u cyflwyno ar hyn o bryd yn San Steffan, tynnodd y Trefnydd sylw hefyd at y ffaith ei bod yn debygol y bydd Memorandwm Atodol pellach yn cael ei gyflwyno yn ddiweddarach.

</AI8>

<AI9>

5 Pwyllgorau

</AI9>

<AI10>

5.1 Llythyr gan Gadeirydd y Pwyllgor Deisebau - cais am slot ar gyfer dadl

Cytunodd y Pwyllgor Busnes i amserlennu dadl ar ddeiseb P-06-1407. Rydym am i Lywodraeth Cymru ddiddymu a dileu’r gyfraith drychinebus ynghylch y terfyn cyflymder o 20mya ddydd Mercher 22 Mai

</AI10>

<AI11>

5.2 Llythyr gan Gadeirydd y Pwyllgor Cydraddoldeb a Chyfiawnder Cymdeithasol ynghylch ei gyfarfod ar 17 Mehefin

Cytunodd y Pwyllgor Busnes i'r cais i’r Pwyllgor Cydraddoldeb a Chyfiawnder Cymdeithasol gwrdd cyn ei slot dynodedig ar 17 Mehefin er mwyn darparu ar gyfer sesiwn dystiolaeth gydag Ysgrifennydd y Cabinet dros Ddiwylliant a Chyfiawnder Cymdeithasol, ar yr amod bod holl aelodau'r Pwyllgor yn fodlon gwneud hynny.

</AI11>

<AI12>

6 Gwaith Gweithdrefnol

</AI12>

<AI13>

6.1 Rhannu Swydd Cadeirydd Pwyllgor

Trafododd y Pwyllgor Busnes bapur ar rannu swyddi cadeiryddion pwyllgorau a chytunodd:

• bod papur yn cael ei baratoi a'i ddychwelyd i'r Pwyllgor Busnes cyn toriad y Sulgwyn ar y materion ymarferol a gweithdrefnol sy'n ymwneud â rhannu swydd cadeirydd pwyllgor, i gynnwys rhestr arfaethedig o gwestiynau a fydd yn sail i gasglu tystiolaeth fewnol ac allanol;
• i ymgynghori ag Aelodau o'r Senedd yn uniongyrchol a thrwy Reolwyr Busnes, a chyda Fforwm y Cadeiryddion;
• cyhoeddi galwad agored am dystiolaeth ysgrifenedig a'i hyrwyddo i randdeiliaid perthnasol; a
• rhoi ystyriaeth bellach i amserlennu tystiolaeth lafar yng ngoleuni unrhyw dystiolaeth ysgrifenedig a dderbyniwyd.

Holodd Heledd Fychan a ellid ystyried y potensial i alluogi rhannu swyddi mewn rolau anstatudol eraill hefyd drwy'r broses hon. Dywedodd y Trefnydd y byddai angen i'r Pwyllgor Busnes fod yn glir wrth esbonio cwmpas y gwaith hwn, a'r rhesymau drosto, yn enwedig gyda chynulleidfaoedd allanol.

Gofynnodd Darren Millar i ystyriaeth gael ei rhoi i weld a ddylai'r gwaith hwn gael ei ddatblygu gan y Pwyllgor Busnes neu'r Pwyllgor Biliau Diwygio, o ystyried yr arbenigedd y mae wedi'i ddatblygu mewn meysydd cysylltiedig. Nododd hefyd y goblygiadau posibl i aelodau meinciau cefn ar gapasiti craffu os cyflwynir deiliaid swyddi ychwanegol drwy rannu swydd.

Cytunodd y Llywydd y bydd y Pwyllgor yn dychwelyd at y materion hyn wrth ystyried y papur nesaf ar y pwnc hwn.

</AI13>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>